Denmark Open: Srikanth semi tongogo; Saina, Prannoy tsükogo

New Delhi October 21 (Agencies): Denmark Open Super Series Premier Hokolbarnü quarter-final asaya nung Saina Nehwal aser HS Prannoy na pei tata asaya mekoki tsükba sülen India nunger atema timlaji Kidambi Srikanth dang lir. Srikanth-i world champion Viktor Axelsen 14-21, 22-20, 21-7 agi koka semifinal tongtetogo.
Asaya nung mezüngbuba game bo Srikanth-i makok saka pai tanabuba asaya nung 22-20 agi tera agi akok aser iba sülen tasembuba game bo 21-7 agi ayong ayonga akok. Iba asaya minute 55 asayaa liasü.
Kasa mapang nung Saina last-eight nung Japan tsür defending champion Akane Yamaguchi-i tsükdaktsü aser Prannoy South Korea nunger asayar Son Wan-Ho-i tsükdaktsü.
Saina asoshi Yamaguchi onsara jungrara asü aser lai 10-21, 13-21 agi makok. Iba asaya minute 29 dang asaya. PV Sindhu iba asayamung mezüngbuba round nung China tsür Chen Yufei-i tsükdaktsüba sülen iba tamakok ajanga India tsür kichar asayartem ajak iba asayamung nungi tuguogo.
Yamaguchi aser Yufei na Honibarnü semifinal asayatsü.
Teburtem kicha asaya nung Prannoy 13-21, 18-21 agi top seed Wan-Ho-i tsükdaktsüogo. Asaya nung mezüngbuba game kanga mela melaa kokdaktsüba sülen tanabuba game nungbo Prannoy-i Wan-Ho nem takok asoshi meranga asayadaktsüogo. Tena tsüngda minute 44 asayaa liasü.