Dennis Quaid-i Ronald Regan shilem agitsü

Aami 22, 2018 (Agencies): Taoba US Republican Tir, Ronald Regan indang taküm otsü nung ajemdaker tongti shilem agidaktsütsü atema actor Dennis Quaid anisemogo. Osangtem ajanga angazükba agi, taruba project ya taküm küm Mongputeni/October nungi tangok tenzüktsü imlar.
Reagan lanuwa mapang nungi US Tir menden tashi tua inyaka aruba anogotem indang otsü nung rangloker film ya yanglutsü. ‘Wizards of Waverly Place’ film nung Justin Russo shilem agisang, actor David Henrie-i Regan asangwa indang shilem agitsü aser kasa project nungsa Quaid-i Reagan atur mapang indang shilem agitsü.
Iba film ajanga Raegan-i California nung Governor inyakba mapang Berlin Wall raksatsüdang pai shilem agiba, US Tir menden nung lia anogo 69 sülen tsükchirtemi pa kasettsü merangba aser tambur küma aodang Alzheimer tashidak agi pa menepba amala otsü inoksema yanglutsü. Kasa film nung Oscar angusang ,actor Jon Voight-i shilem agitsü. Nüngtugu film ‘The Miracle Season’ director Sean McNamara lennisüba kübok iba film yanglutsü.
2019 küm meyii mapang ka nung iba film sayatsü imlar.