DENSU-i nübodok sentong ayonga among

New Delhi, Rongjui/September 23, 2019 (Agencies): Delhi Eastern Nagaland Student’s Union (DENSU)-i September 21, 2019 Honibarnü 29-Dr.APJ Abdul Kalam Road, Nagaland House, New Delhi tesem nung lokti nübotsük ayongzüka liasü, ta PRO (IPR) sangdong ka ajanga metetdaktsü.
Iba lokti nübotsük sentong nung Eastern Nagaland nungi Delhi Police densema DENSU züngsem 70 dak tema agi shilem agiogo.
Naga nunger tsüngda tangatetba tajung sangdongtsü aser merükmejuba tsütsü ajungshitsü nükjidong nung iba sentong ayongzük aser DENSU-i tan agi iba ama sentong ayongzükba ya tabenbuba asütsü.
Iba anogo nung ki temuket tem merüka liasü. Iba denji külemi süngdong kongsang talila aoba tem ngumdok aser Arju yanglushia liasü, ta kasa sangdong ajanga metetdakja liasü.