DEO Mokokchung-i metetdaktsür

Dimapur, Rongchii 16 (TYO): District Education Officer, Mokokchung, Nagaland ajanga sangdong No.DMA/SSA/UDISE-1/2018-19 ajanga metetdaktsüba agi, Department of School Education, Nagaland kübok district nung aliba Government aser Private School tem aser CBSE aser ICSEs kübok aliba kaket reju ajunga aser kaketshirtem ajak indang osang Rongjui (September) 30, 2017 nung aliba ama U-DISE & SDMIS 2017-18 ajanga department-i bendener.
School ajaki Department den amaliteptsü mepeshir, kechiyong item osangtem nungi adokba ya Gross Enrolment Ration (GER), Net Enrolment Ratio (NER), Dropout Rates & Teachers data amala district nung education jenjang sayur, ta kasa sangdong nung District Education Officer, Mokokchung, Talingangla ajanga metetdaktsü.
Anungji kaket reju ajak nungi ketdangsertemi pei inyakba kaket reju indang osang tejangja agütsütsü metetdaktsür, ta DEO ajanga ashi.
Iba maparen nung formats tem shidak renemer pei tesem nung aliba EBRC ketdangser nem magütsüra iba kaket reju ji amalitep mali, ta züngshitsü aser department ajanga ‘non-cooperation clause’ amshitsü, koba ajanga kaket reju ‘de-recognition’ asütsü akok, ta ketdangser ajanga kasa sangdong nung shia lir.