DEO Nagaland ajanga school ajak nem metetdaktsür

Dimapur, October 29 (TYO): State nung sorkar aser nija school ajak nung merükmejuba, metsümeshiba tesem timi amshiba aser teka shitokba onüktem nung hopta shia morning assembly nung o lemtep akatsü tuyur, iba den külemi 2015 November ita nung pei pei school merüktettsü tuyur, ta Directorate of School Education Nagaland, Director, Senthang-i sangdong ka ajanga metetdaktsü.
Iba dak alia DEO aser SDEO temi pei jurisdiction nung aliba school tem dang iba tetuyuba metetdaktsütsü aser iba maparen acha ayangtsüla, ta kasa sangdong ajanga ashi.