Deo Nukhu-i APG Shimla University & Shoolini University Solan semdang

APG Shimla University nung Higher & Technical Education parliamentary secretary, Deo Nukhu aser ketdangsertemi university ketdangsertem den külemi agiba noksa angur.

Dimapur, April 18 (TYO) : Nagaland nung technical studies azüngtsü atema menden peria maliba khuret atema Higher & Technical Education parliamentary secretary, Deo Nukhu den technical education director A. Kathipri aser technical education placement officer David Tsela nungertemi April 14 & 15 nung APG Shimla University aser Shoolini University Solan (HP) semdang.

Iba mapang parnoki APG Shimla University nung Pro-Chancellor aser taoba Nagaland Angh, Dr. Ashwani Kumar den ajurutep aser University nung higher studies azüngtsü atema onük aika benoka olemtep.

Deo Nukhu-i anir ketdangsertemisa Shoolini University Founder & Vice Chancellor, Prof. Prem Kumar Khosla aser tanga faculty den ajurutep.

University anaprong ya residential lir aser infrastructure o academics nung kanga dang renloka aoba university tem lir. Iba university ana nung Naga nunger kaketshirtemi fashion technology, hotel management, Biotechnology, Bachelor of Pharmacy aser engineering nung job-oriented courses agitsü lenmang bushiteptsü atema Deo Nukhu-i anir ketdangsertemi semdanga liasü.