Kohima, May 23 (TYO) : Kohima College Kohima indang website yanglushiba sülen Higher & Technical Education Parliamentary Secretary, Deo Nukhu-i tanü sayatsüogo.
Kohima College indang website indang linük ji www.kohimacollege.in. lir aser iba ajanga college nung züngertem asoshi admission, activities, scholarship aser college inyakyim indang osang ajak angutsü.
Tanü sentong nung Parliamentary secretary, Deo Nukhu-i o jembidang ashiba agi, website ajanga Nagaland nung kaketshirtem aser sensotem tajangzük angutsü.
College tonga maruyonga pei kidang, yimtsüng nungi Kohima College indang temetettsütem zübazüba metettsü, ta paisa ashi.
Deo Nukhu-isa, Kohima College, Principal, Dr. Watijungshi nem tenüngsang agütsü.
Kohima College website ya mezüng 2007 küm National Informatics Center (NIC) domain kübok tenzük aser 2011 nungi website anena aliba sülen yanglushiogo, ta Mass Media Cell Convenor, Dr. Eunice Alinger-i tanü metetdaktsü.
Kohima College indang website ji Ramietech Solutions, Kohima ajanga design asü.
You must be logged in to post a comment Login