Dept. of Cooperation ajanga G. Kaito Aye nem tenüngsang agütsü

Dimapur, Rongchii 19 (TYO): Department of Cooperation ajanga Rongchii 19, 2018 nü RCS Conference Hall, Kohima nung Minister for Agriculture & Cooperation, G. Kaito Aye nem tenüngsang agütsüba sentong ka agi.
Iba sentong nung jembiba mapang G. Kaito Aye-i, pa lenisüba kübok iba Department tashi taitba akümtsü aser nüburtem ajangzüktsü mechi tesem ajunga nung terenlok bener arutsütsü, ta ashi.
Iba department ajanga akokba otsü yanglutsü asoshi pai Department nung inyakertem dang amalitep alitsü ajungshi.
Nüngdakba nüburtem yaritsü asoshi tongtibangtiba mapaji terenlok akaba aluyimer tem den angatettepa inyaktsü. Cooperative society-i anguba sen ajak tim lenmang nung nüburtem terenlok asoshi amshitsü, ta Minister-i ashi aser Department dang nüburtem tajungtiba nung tenzüktsü ajungshi.
Agri & Allied sector nung scheme tajung aika mapang talangka melie state nung ajungkettsü, ta Kaito-isa metetdaktsü.
Department indang osang tongmelang agi lemsatepba mapang, iba Department indang tongtibangtiba mapaji Registration, Supervision, assistance, Counsel, register süa aliba cooperative society tem azüokba,; Cooperative Education & Training azüokba; Audit, Inspection, Arbitration & Liquidation; Development of Cooperative Movement & Human Resources; NCDC aser ICDP amala schema balala inyakba; Loan recovery asübatem lir, ta Wepe Ritse, RCS-i ashi.
State nung primary Cooperative society 8011, cooperative federation, institutions, Marketing & Consumer Federation (MARCOFED) amala state level nung 7 lir, ta Wepe Ritse-isa ashi.
Iba sentong ya Secretary Cooperation, A. Chumremo Odyuo, IAS-i ketdangsüa agi. MARCOFED nungi Rokovisa Chase aser NSCFSA tir, K. Lirichum Anar nungeria iba sentong nung jembia liasü.