Depts. dang SHGs list agütsütsü tuyu

Kohima, Luroi/August 07 (TYO): Nagaland State sorkari department balala kübok Self Help Groups atema inventory ka lapoktsü; July 29 nü state nung tribals atema Van Dhan Entrepreneurship Development Programme mapa küma inyaktsü atema state Chief Secretary den senden amendang iba onük atema jembia liasü, ta ketdangsertem osang ka ajanga metetdaktsü.
Inventory of SHGs nung züngoktsü atema peipei department kübok aliba SHGs tenüng ajak list ser tekaraba nung Department of Industries & Commerce nem August 30, 2019 tashi nungbosa agüjang, ta kasa osang ajangasa metetdaktsüogo.