Deputy Chief Electoral Officer-i NCC campers ayongzük

Dimapur, July 4 (TYO): Deputy Chief Electoral Officer, Nagaland, Vekho Vero-i July 4, 2017 nü Kohima Science College nung NCC campers dang election mapa ochishia inyaktsü atema Systematic Voter Education and Electoral Participation (SVEEP) nung yariteptsü ayongzük.
SVEEP ya 2009 küm Election Commission of India (ECI)-i tenzükba lir aser Nagaland nunga Election department-i iba mapa kanga meranga inyaka arudar, ta Vero-isa ashi.
ECI-i alizüng atongba tongtettsü atema Election department-i sorkar department tem, media aser NGOs den yaritepa iba mapa inyaker, ta paisa shisem.
Election Commission- electoral system merüktetba nung lanurtem nem tongtipang shilem agidaktsünür. Ajisüaka, Nagaland Census 2011 nung arishi küm 18-19 tsüngda e-roll nung züluoka alirtemji shilem 16.43 dang lir. Anungji, vote agütsütsü atema arishi küm agi temsüa alirtemi e-roll nung tenüng zükuoktsüla, ta Vero-isa lanurtem ayongzük.
Tan July ita Special Drive ka lir aser iba mapang arishi küm 18-19 tsüngda alirtem tenüng züluoktsü. Maneni, September 4-8, 2017 tashi university campus aser higher education rejutem nung Youth Voter Festival alitsü. Iba mapang shisatokden, essay writing competition aser kaketshirtemi district headquarters semdangba maparen inyaktsü, ta paisa metetdaktsü.