Deputy Commissioner Mon ajanga metetdaktsür

Dimapur, Rongchii/April 09, 2020 (TYO): Novel Corona Virus (COVID-19) wara prokshiba azüoka nokdangtsü aser iba wara nungi külem nüburtem kümzüka ayutsü nükjidong nung April 04, 2020 nü agütsüba Office Notice No.GA/DEV/COVID-19/2020/289 den atongsema, Mon Deputy Commissioner Thavaseelan K IAS ajanga tetuyuba kar agütsüogo.

Item tetuyubaji yamai alitsü:

1. Mon jila telungzük nung dokan ajak hopta nung anogo pezü – Hombar, Mongolbar, Bodbar, aser Honibar, dang lapoktsü. Bank, ATM aser Pharmacy tem akhi ama working days ajak nung lapoktsü.
2. Dokan tem anogoshia anepdang 8:00 ako nungi nikongdang 1:00 ako tashi lapoktsü.
3. Nüngdakba osettsüset/Jang-o-tzü, mozütem alitsü aser ATM-i aotsü asoshi kilen shia nungi Public Movement Permit original bener nisung ka dang senzüdaktsütsü melatsü.

Anungji, iba dak sendakba nung nübur ajak dang tashi anga anidaktsü asoshi mepishir, ta DC-isa metetdkatsü.