Deputy EC-i Nagaland semdang

Kohima, Aenjeti (January) 17 (TYO): Aenjeti 16, 2018 nü Deputy Election Commissioner, Sudeep Jain-i Nagaland semdang, aser iba mapang nung Deputy Commissioner’s Conference Hall, Kohima nung pai Election Officials, yimtenren party ajak nungi züngsemtem, District Administration aser Security Forces den senden balala mena taruba election dak sendakba nung o lemtep, ta ketdangsertem osang ka ajanga metetdaktsü.
Aenjeti 18, 2018 anogo tashi nung maneni pai Wokha, Mokokchung aser Dimapur district tem semdanga election atema terenemshiba asadangtsü, ta kasa osang ajanga metetdaktsü.