Dergaon nung college tesayur 3 tsükset

Guwahati, January 24 (Agencies): Assam kübok Golaghat district nung college tesayur asem gari lendong ka nung tsükset.
Teok nung aliba CKB College tesayur asem-i Ranjit Saikia, Keshab Hazarika aser Jintu Phukan Dergaon nunger Scorpio ka nung mener aodang Dergaon anasa NH-37 nung totzü abenba gari ka den tsüktep. Iba lendong nung par asem asü aser Naren Saikia ta ser tesayur ka yirua lir, ta police-i ashi.
Lendong atalokdaksa Saikia aser Hazrika na asü aser Phukan ji Jorhat Medical College Hospital (JMCH) nung asü. Naren Saikia kanga mejungi yirur JMCH nung anepaludar, ta police-isa shisem.
Sarupathar College, Jorhat nung Dibrugarh University Inter-College Youth Festival nung adenba sülen tesayurtemji Teok-i meyipa aodang lendongji atalok, ta police-isa metetdaktsü.
Lenmang nung tzüsa kanga aliba ajanga yasüng 11:00 ako meta lendongji atalok, ta parnokisa shisem.