Detroit yimti lenmang ka Michael Jackson nüngtem nung jatsüogo

Monupii/May 18, 2018: Detroit yimti nung lenmang ka asür, Michael Jackson nüngtem nung jatsüogo.
Nüngtugu kentener, asür Michael Jackson aser par adianutem 1969 küm Motor City ta ajang Detroit yimti nung The Jackson 5 tenteta liasü, aser iba mapang nungjagi parnok nüngtugu akum.
Michael Jackson arishi küm 50 aliba mapang nung asüba sülen küm, teku lir sülen ne downtown Detroit kübok Randolph tesem ka Michael Jackson Avenue ta nüngja agüja liasü.
Taruba ita Detroit Music Weekend nung Michael’er adianu pezü- Jackie, Tito, Jermaine aser Marlon nungeri shilem agia ken atentsü.
Arishi küm 64, Tito-i, pa den par adianutemi ‘Thriller’ ken atensang Michael Jackson atema virtual projection ka yanglutsü, ta metetdaktsü.
Tamalen paisa, ”Onoki hologram ka atema apiteta telemtetba agiogo,” ta metetdakja liasü.
2014 Billboard Music Awards nunga hologram technology ajanga Michael-i ‘Slave to the Rhythm’ ken tena liasü.
‘I Want You Back’ kentener telok ya 1964 küm Tito, Jackie aser Jermaine nungeri tenteta liasü, iba sülen tatsüka dang lirbo Marlon aser Michael nata densema par telok tenüng The Jackson 5 ta aja.
Iba telok nung adendang Michael bo arishi küm 5 dang liasü, aser 1971 küm pa arishi küm 13 asüdang pai solo project tenzük.