Deuel Khual-i solo kensep ‘Rays of Hope’ sayaogo

Dimapur, July 10, 2019 (TYO) : Classical guitar atemer aser Mountain Music Academy nung music teacher, Deuel Khual-i pa indang solo kensep, ‘Rays of Hope’ Mountain Music Academy Performance Hall, Dimapur nung sayaogo.

Iba video kensep nung ken tenet lir. Iba kensep sayaba sentong nung jembidang pai, “‘Rays of Hope’ yaagi kü taküm indang aser ni Yisu Khrista den jajaba indang lemsateper. Anogoshia timtem toushi liaka kenü anogobo asenoki Pa den abenjungteptsü asenoki imlar,” ta ashi. Iba sentong nung Rev. Dr. Cho-o, Ginvanglian Tombing, Khamzagou Tonsing, Joey Woch nunger den musicians, medemertem aser temeimer aika aden.

Iba kensep ya Mountain Music, Opp Supermarket, Dimapur, Big Fuz Music Store, 3rd Mile, Dimapur aser Chromatic Clef, Opp IGNOU Office, Kohima nung angutsü.