Dev Anand taso nü Lata Mangeshkar-i tetushi agütsü

Mumbai, September 26, 2015: Honibar nü asür Dharam Devdutt Pishorimal Anand (Dev Anand) sor küm 92 ajung nü kentener Lata Mangeshkar-i tetushi aser akümtsübu agütsüdang lai, Dev Anand ji kanga dang tongmelang aser ochishir nisung ka liasü, ta ashi.
“Tanü ya nüburtemi kanga sapua alisang actor, Dev Anand tasoba anogo lir. Pa kanga ochishir aser ajak den tila küma litetba nisung ka liasü. Pa akümlidang inyaktetba asoshi ni tetushi aser akümtsü agütsür,” ta Lata Mangeshkar-i twitter ajanga lemsatepa liasü.
Lata-i 1965 küm Dev Anand-i shilem agiba “Guide” film nungi nüngtugu ken “Gata rahe mera dil” atema internet nung link ka lemsatepogo.
Dev Anand ya September 26, 1923 nü aso aser pai “Baazi”, “Taxi Driver”, “C.I.D.”, “Kala Pani”, “Guide” aser “Jewel Thief” film tem nung shilem agia kanga nüngtugu aküm.
Tia makai December 3, 2011 nü pa London nung temulungjang tashidak agi asü.