Dev Patel-i Donald Trump aitsü

January 31, 2017 (Agencies): US President Donald Trump Muslim nunger linük 7 nungi US-i arutsü nokdangba telemtetba sangdongba sülen internet nung kanga sashia jembidar.
Iba ken o nung Hollywood nung actor balala aikati Screen Actors Guild awards nunga Trump jakdaka aitsüogo.
Slumdog Millionaire nung shilem agisang, Dev Patel shiba Lion film nung shilem atema Oscar nung nominat süa lir, pai Trump-i Muslim nunger US-i maitdaktsütsü nokdangba asoshi Trump aitsü.
“Yamala mapang ka nung award sentong mesüra film ajungketba sentong balala kechiba agir ta tasüngdangba aika arur, aser bilemdanga ao nung kecha tetezü madoker, saka ni meketa aliba nisungtem angudang longjemshitsü asoshi merangbapurtem jenti angur aser iba ajanga ni tera tashi aiter,” ta Dev Patel-i SAG Awards red carpet nung osangbenertem den jembidang ashi.