Dev Patel-i shielm agiba ‘Lion’ film Australia nung sayatsü

Melbourne, August 27 (Agencies): “Slumdog Millionaire” film nung tongti shilem agisang Dev Patel-i shilem agiba ‘Lion’ film sangküm January ita Australia nung sayatsü sentong ajak renema lir.
‘Lion’ film nung Patel-i Australia nung asoba India nunger businessman, Saroo Brierley ama shilem agia lir. Saroo-i 2012 küm Google earth amshia pa tetsü tasola aser teno na Calcutta nung bushitetba otsü pai züluba kaket  ‘A Long Way Home’ nung temai adoka metetdaktsüba sülen iba osang osangkaket ajak nung kanga bulua adoka liasü.
Iba film nung Saroo Brierley ama shilem agisang, Dev Patel tetong ji Rooney Mara aser Nicole Kidman aser David Wenham na pa mesüteter tsürabur adoker. Ano Sunny Pawar-i pa teno ama shilem agia lir.
‘Lion’ ya Saroo Brierley-i züluba kaket nung ajemdaker Garth Davis-i direct asüba film lir.
Brierley ya arishi küm 5 asüba mapang India nung train ka nung sama aser iba sülen Australia nunger kibong kati Tasmania nung mesütet.
“Lion” film ya sangküm January 19 nü Australia nung sayatsü.