Devendro Asian Boxing semifinal tongogo

Bangkok, September 01 (Agencies): Commwealth Games silver-medallist, L Devendro Singh-i tebur temang touzük seret 49 taret shilem indang quarterfinal asaya akokba sülen tang tasayadak Asian Boxing Championships semifinal nung shilem agitsü jenjang tanü Mongolbar nü ajangzükogo.
2014 Asian Boxing asayamong nung silver medal agizüksang, Devendro-i points 3-0 ngua Indonesia nunger Cornelis Kwangu Langu quarterfinal nung tsükdaktsü.
Devendro-i Uzbekistan nunger Hasanboy Dusmatov den semifinal nung ajuruteptsü lemzükogo.
Devendro-i tanü takok ngua semifinal nung shilem agitsü jenjang anguba ajanga tan asayamong nung medal agizüktsü jenjang anguba den külemi, 2016 Rio Olympics nung shilem agitsü asoshi taruba October ita asayatsü ayongba qualifying asayamong mezüngbuba, World Championships nunga toktepa shilem agitsü jenjang tajung angur lir.
Külem sensopur, Vikas Krishan Yadav-ia Vietnam nunger Truang Dinh Hoang madak points 3-0 agi quarterfinal asaya koka semifinal nung shilem agitsü jenjang anguba osang jangjaogo.
Semifinal nung shilem agitsü jenjang anguba sülen Yadav-ia World Championships nung shilem agitsü jenjang nguogo.