DFL: Ekhyo FC aser A1 Powerplay-i pei tata asaya kokogo

Dimapur, Rongjui/September 22 (TYO): Naga United FC puri ayongba Dimapur Football League tanü asaya takok nung tembangogo. Asaya metenzükdang sentong akaba mapang tetushi tesemdanger, Entrepreneur aser, Dimapur District Autorickshaw Drivers’ Union Vice President Tito Yepthomi- o jembiba mapang, pai DFL ayongba atema Naga United FC tenüng asangba den iba asayamung ajanga Naga nunger lanur asayartem atema jenjang temaba nung asayatsü asoshi maongka agütsütsü ta ashi. Paisa iba league ajanga national aser international jenjang nung asayatettsüsa asayartem adokdaktsütettsü ta ashi. Iba sentong ya Rosy Imsong lenisüba kübok aka aser Nzanbemo-ia o tatsüka jembia liasü.
Tanü asaya mezüngbuba Chanan FC aser Ekhyo FC na asaya, koba Ekhyo FC-i 2-0 agi akok. Asaya nung mezüngbuba goal Meribemo-i minute 15buba nung idaktsü iba sülen Woben-i par telok asoshi tanabuba goal idakja parnoki asaya akok.
Tanü asaya tanabuba A1 Powerplay aser Titan Sports and Cultural Club na asayaa liasü. Iba asaya A1-i goal 3-2 agi kokogo.
Asaya nung Titan Sports pur atema goal anaprongla ya David Konyak-i idaktsü aser Letkmokai, Mezibui aser Kito nungeri A1 atema goal kaka idakja liasü. Maneni asayar yimya shidak mebenshiba atema Vickyioukho Miosallhou nem red card agüja liasü, ta Media & Publicity Cell DFL sangdong ka ajanga metetdaktsü.