Dhaka nung David Harbour denogo

Yimpoksüi/November 17 (Agencies): Taruba ‘Dhaka’ film nung Chris Hemsworth den külemi David Harbour-i shilem agitsü.
‘Dhaka’ film ya Sam Hargrave-i mezüng direct asütsü ternemba lir. Sam ya stunt coordinator ka lir shibai taoba mapang ‘Captain America’ actor Chris Evans den külemi shilem agia liasü.
Iba project ya adianu Joe aser Anthony Russo nati produce asütsü. Chris aser Sam na den külemi ‘Avengers: Infinity War’ aser ‘Captain America’ film ana nung Joe aser Anthony nati longjema inyakogo.
Adianu Russo nati züluba ‘Dhaka’ nung mercenary (Hemsworth) shiba sen dalang agütsür businessman’er jabaso ka kümzüktsü atema mapa agütsüba indang asütsü.
Harbour-i Chris den külemi mercenary ka shilem agiba angutsü.
Kasa mapang arishi küm 43 tain Harbour ya ‘Hellboy’ reboot nung shilem tagidak lir.
Actor Ron Perlman melena Hellboy project tasenba nung Harbour-i shilem agiba angutsü. Taoba Hellboy film ana tashi nung Perlman-i tongti shilem agiba ajaki nguogo.
Film tasenba nung meimchir samatsütsü atema ‘medieval evil wizard’ kati asalentong yangluba maparen nung Hellboy-i nokdangba indang asütsü.
Neil Marshall lenisüba kübok yangluba film nung arishi küm 42 tain Milla Jovovich-i Blood Queen aser arishi küm 75 tain Ian McShane-i Professor Broom shilem agiba angutsü.