Dhanush-i Uma Thurman den Hollywood nung shilem agitsü

January 25, 2016: Bollywood nungi actress aikati anüdoklen Hollywood film tem nung shilem agiba sülen Tamil actor Dhanush-ia Hollywood nung shilem agitsü.

Times of India osang ka ajanga ashiba agi, ‘Persepolis’ film direct asüsang director Marjane Satrapi indang film tasenba, ‘The Extraordinary Journey of The Fakir Who Got Trapped in an Ikea Cupboard’ nung ‘magician’ shilem agitsü atema nübo tetemsüji .

‘Raanjhanaa’ film actor Dhanush lir.

Kasa osang ajanga, Dhanush shisa akaba, puatsüsa menürem jakden aser iba shilem agitsü atema tetemsü, ta director Marjane kanga temulung asür.

Iba film nung Dhanush-i ‘Kill Bill’ film star Uma Thurman, Percy Jackson, True Detective actor Alexandra Daddario nunger den külemi shilem agitsü.

“The Extraordinary Journey Of A Fakir Who Got Trapped In An Ikea Cupboard” film ya Romain Puértolas-i züluba French best-seller otsü nung ajemdaker yanglu.

Iba film ya India, France, Morocco aser Italy linüktem nung tangoktsü.

Kolaveri Di! ken atensang, Dhanush indang film tem- ‘Rail’, ‘Vada Chennai’ aser ‘Kodi’ nunger kobi melii sayatsü.