‘Dheere Dheere’ ken August 31 nü sayatsü

New Delhi, August 20 (Agencies): Film sapua reprangertem aikati Sonam Kapoor aser Hrithik Roshan nati külemi shilem agiba reprangnüa liasü aser tanaben yanglushiba ‘Dheere Dheere’ ken nung tenati külemi shilem agiogo.

Mahesh Bhatt’er 1990 musical, ‘Aashiqui’ film nung amshiba ken tanaben yanglushiba maparen ya T-Series kibur, asür Gulshan Kumar nem tetushi agüja yangluba lir.

Turkey linük tangokba Dheere Dheere video ken ya ‘Aashiqui’ film sayar küm 25 ajungba sülen anogo ishika tsüngda, tan August ita 31 nü sayatsü renema lir.

‘Aashiqui’ film ya 1990 küm August 17 nü sayaa liasü.

Iba mapang nung ‘Dheere Dheere’ ken kanga nüngtugu aküm aser tanaben yanglushiba kenjia nüburtemi kanga dang saputsü ta nisung aikati teyongyaba tulu yua lir.