Dhobinalla nungi Senjum tashi Rs 30 agitsü : DDADU

Dimapur, July 10 (TYO) : Senjum Village GB aser tanga teloktem den asüngdangyaba sülen July 11, 2015 nungi Dhobinalla nungi Senjum yim tashi nisung ka taa sen 30 agitsü, ta Dimapur District Auto Drivers’ Union (DDADU)-i sangdong ka ajanga metetdaktsüogo.
Nübortem ajangzüktsü atema Senjum yimtsüng nung Auto Parking ka lapokogo ta DDADU sangdong nungsa shia lir.
Iba lenmang nung senzüba autorickshaw anishirtem ajaki taa talila magitsü tetuyuba agütsür. Auto anishir kari taa talila meshira iba osangji Union office dang sangoktsütsü metetdaktsür, ta DDADU sangdong nungsa shia lir.
Dimapur jila nung Hood tanak autorickshaw aika senzür aser iba ya ozüng anema lir. Anungji Black Hood autorickshaw tem ajak wakong sentsü nübangtsü tetuyuba agütsür aser tetuyuba sülen manidakertem dang sen 250 senchi achitsü, ta DDADU-isa metetdaktsüogo.