Dhoni ama shilem agitsüji melara masü asü:Sushant Singh Rajpu

March 29, 2016 : “Dhoni ama shilem agitsüji kanga tasak liasü kechiba süra Dhoni ya alima nung cricket asayar tajungtiba rongnung ka lir aser pa ya nüburtemi kanga meimer aser sapur,” ta Mahendra Singh Dhoni taküm otsü nung ajemdaker yangluba “M.S. Dhoni: The Untold Story” film nung shilem agisang aser Kingfisher-i cricket atema TV commercial yangluba nung shilem agisang Sushant-i sangdong ka ajanga metetdaktsü.

Iba commercial nung inyakdang kanga jangra atema   kechiba süra ibai ni kanga sapua meimba cricket asaya den sentaktepa lir,” ta pai ashi.

“M.S. Dhoni: The Untold Story” film sülen Sushant ano Dinesh Vijan-i direct asüba film ka nung shilem agitsü sentong lir.