Dhoni ‘Grand Midwest Group’ atema ‘ambassador’ kümogo

New Delhi, November 27 (Agencies): Dubai nung amendaka aliba ‘hospitality & event management company’, Grand Midwest Group-i küm pongu asoshi sen million aika alangba mapa, India nunger cricket team nung captain, Mahendra Singh Dhoni par company ajungkettsür (brand ambassador) südaktsütsü sign sütepogo.

Iba company ya Emirati businessman Zafar Shah Khan-i amentetba lir aser Grand Midwest Group kübok ya Dubai, Britain aser Ireland kübok hotel aika lir. Iba den külemi India entertainment business tsütsüa parnoki tejangraba lir aser United Arab Emirates nunga parnok meyong cricket team ka lir.

Iba company nung event management kongsang, GM Sports ajanga January 2016 nung Twenty20 asayamung, ‘Masters Champions League’ (MCL) amungtsü metetdaktsüogo.

“Iba ya ni asoshi bendang linük company ka atema mezüng mapa lir. Ni iba mapa atema shimteta UAE den sentaktepa kümdaktsüba asoshi Grand Midwest Group dang pelaba metetdaktsür. Company aser brand na liro medema aotsübaji kü tejangraba lir aser ni iba mapa asoshi kanga yongya adar,” ta Dhoni-i ashi.