Dhoni-i ‘M.S. Dhoni’ film yangluba tesem semdang

December 15, 2015: India nungeri cricket world cup takok anguba mapang captain asüsang, Mahendra Singh Dhoni-i tang tetangokdak aliba ‘M.S. Dhoni: The Untold Story’ film yangluba tsem semdangogo.
Actor tejen Anupam Kher-i iba film nuing Dhoni tebu, Pan Singh shilem agidar aser pai film nung Dhoni shilem agisang, actor Sushant Singh Rajput indang noksa ka twitter ajanga lemsatepogo.
“Pa taküm otsü nung ajemdaker yangluba film tangokba tesem nung @msdhoni ajuruba ajanga camera amshir, Lara kanga pela liasü,” ta Anupam Kher-i Hombar aonung twitter ajanga lemsatep.
‘The Shaukeens’ film nung shilem agisang, Anupam-i pa dak atalokba aser pai bilembatem ajak social media ajanga lemsateper aser pa dang Ranchi nung ‘M.S. Dhoni: The Untold Story” film tetangoktak lir.
“M.S. Dhoni: The Untold Story”, film ya Neeraj Pandey-i direct asür aser taruba küm sayatsü sentong lir.