Dhyan Chand nem Bharat Ratna agütsütsüla: Rajya Sabha

New Delhi, May 05 (Agencies): India’er Rajya Sabha yimsüsürtemi India’er hockey asayar mongin, asür Major Dhyan Chand nem Bharat Ratna sempet agütsütsü takhangba tanü, Brehostibar nü benokogo.
New Delhi nung 1979 küm December 3 nü asüsang, Chand-i 1928-1936 tsüngda India tenüng nung hockey asayadang India asoshi Olympic medal 3 tashi agizüktsüba osang bushiteta lir.
Ano, 1928 küm ayongba Olympics kübok hockey asayamong nung  Chand-i goal 14 tashi agüja goal timba agütsür asayar akümba otsü lir.
Pa nem tenüngsang agüja aka, India linüki Chand nem  civilian sempet tematiba, Bharat Ratna sempetbo tanü tashi agüja mali.
“Germany madak tashiyim agi yimsü asüsang, Adolf Hilter aser Britain sorkar densema, alimai Chan nem tetushi tulu agütsüogo. Ajisüaka, asen India linükibo Chand nem tapet tetushi agüja mali,” ta yimsüsür Chandrapal Singh Yadav-i Rajya Sahba senden nung metetdaktsü.
Paisa ashiba agi, tan India Ato Kilonser menden abensang, Narendra  Modi-ia Gujarat Chief Minister abendang Chand nem Bharat Ratna sempet agütsütsü asoshi onük benoka liasü.
Yadav-i benoka asür Chand nem Bharat Ratna sempet agütsütsü onükji tanüngba Rajya Sabha yimsüsürtemia agizükba osang jangjaogo.