Dibuia nung Free Medical Camp agi

Dibuia (Mokokchung) September 27 (TYO): Hokolbarnü Mokokchung district kübok Dibuia yimtak Free Medical Camp ka kanga takok ngua agiogo.
Temang tendanga reprangtsüba aser taneptsü agütsüba sentong ya Dr. Meren Project Director NSACS, Nagaland: Kohima aser par kibongi Doctor aser teyaritepertem achaayanga temang reprangba den mozü teperi angati agütsüogo.
“Iba sentong ajanga nübortem ajak tajangzük nguogo. Mapa tajung aser tenla tulu asoshi Arogo, yimten aser yimtsüng nübortem ajak tenüng nung doctor tem, technician, nurses aser teyariteper ajak dang pelaba, talisa Dr. Meren aser par kibong nem tenüngsang agütsüba aser tepelaba osang den Tsüngremi parnok ajak moajang ta Arogoi sarasademtsür,” ta Rev. Ayu Pastor-i sangdong ka ajanga metetdaktsü.