DICCI-i Northeast office lapok; Nagaland-i teyari teimba ngua lir

Guwahati, Mongputeni (October) 16 (TYO): Dalit Indian Chamber of Commerce & Industry (DICCI)-i Guwahati nung office ka lapok aser Nagaland den mezüngbuba chapter tenzük.
Nagaland nung coordinator inyaktsü atema K. Kathi Chishi shimba ajanga Nagaland chapter tenzük aser iba ya North east state tem nung mezüngbuba chapter asütsü.
Northeast nung DICCI züngsem 150 shi lir aser parnoki Indian Oil Cooperation, Bharat Petroleum cooperation Limited den yaritepa Stand-up India Scheme kübok teyari agüja arur.
Parnoki ST/SC candidates (Schedule Tribe/Schedule Caste) nem LPG Tankers agütsür.
Tang tashi nung DICCI-i nisung 150 shi yariogo aser iba asoshi nisung shia nem sen crore 1 tashi bank loan agütsür.
Northeast nung teyari angurtemji IOCL (Indian OIL Cooperation) ajanga shimer. Tang tashi nung teyari teimba anguba state ji Nagaland lir. Nagaland nung nung nisung 57 nem crore 57 shi teyari agütsüogo.