DICCI-i Northeast office semzükogo

Kohima, Mongputeni/October 17 (TYO): Dalit Chamber Of Commerce-i parnok indang mezüngbuba office tanü Guwahati nung semzükogo, aser Nagaland den first chapter lapoka state nungi K.Kathi Chishi coordinator shimogo, ta ketdangsertem osang ka ajanga metetdaktsü.
Tang iba organization nung NE state nungi züngsem 150 lir aser Stand-up India Scheme kübok parnoki Indian Oil Cooperation, Bharat Petroleum cooperation Limited den partnership nung NE tesem ajunga nem tajangzük agüja ST/SC candidates (Schedule Tribe/Schedule Caste) nem LPG Tankers agutsür.
Tang tashi nung organization-i nisung 150 nem tajangzük agüja sen crore 1 bank loan agütsüogo.
Tang tashi nung Northeast nungi beneficiaries ji IOCL (Indian OIL Cooperation)-i shimer. Beneficiary timtibaji Nagaland nungi lir (57 beneficiaries) aser iba nungji sen crore 57 lemzüktsüogo.