Diesel litre nung poisa 8 atu

New Delhi, Mongputeni (October) 15 (Agencies): Hombarnü petrol jenjang memelenshi saka diesel litre nung poisa 8 ajungket.
Tanü agi anogo terbuba diesel jenjang ajungket aser iba ajanga tan ita tetenzüklen sorkari excise duty cut aser oil company subsidy nung sen 2.50 ajemba agienogo.
October 5 2018 nungi sorkari petrol o diesel litre shia nung excise duty sen 1.50 ajemtsü aser sorkar meyong totzü company temi litre shia nung sen 1 subsidise asütsü tetuyuba agütsü.
Tanü diesel litre nung poisa 8 atuba ajanga taoba anogo 10 tsüngda litre ka nung sen 2.51 atur asütsü. Yaküm June ita tom nungi totzü company temi anogoshia totzü jenjang reprangshima arudang taoba anogo 10 nü sen atuba ya sen tekaraba ajungketba lir.