New Delhi, November 3 (Agencies) : December 5 nungi Delhi International Film Festival (DIFF) nung actor-filmmaker Raj Kapoor nem tetushi agütsütsü sentong renema lir.
Iba benjung nung linük 68 nungi film 210 den timba sayutsü aser DIFF ya taküm agi küm pezübuba agir.
Iba film benjung ya Social Circle ajanga ayongzüker aser tongti tesemdangerji Deputy Chief Minister Manish Sisodia asütsü.
DIFF lapokba sentongji Delhi kübok Connaught Place nung alitsü. Ano NDMC Convention Centre nung Sri Lanka tsür Jacqueline Fernandez-i shilem agiba film “Definition of Fear” sayutsü. Benjung shibangba sentong nung Russian documentary “Comrade Raj Kapoor” ajanga Raj Kapoor nem tetushi agütsütsü, ta tayongertemi metetdaktsü.
Benjungmung nungsa YouTube ajanga produce asüba aser David Victory-i direct asüba science fiction film “Zero” sayutsü aser ano filmmaker Ketan Mehta nem Minar-E-Dilli Award agütsütsü.
Iba benjung ya December 10 nü tembangtsü aser Tigmanshu Dhulia, Ketan Mehta, Rehana Sultan, Mehul Kumar, Raghubir Yadav, Piyush Mishra, Omi Vaidya, Arvind Gupta, Rituparna Sengupta nungertemi shilem agitsü ta tayongertemisa metetdaktsü.
DIFF nung Raj Kapoor nem tetushi agütsütsü added by asungba on
View all posts by asungba →
You must be logged in to post a comment Login