Digital Payment atema luden tentetogo

New Delhi, November 30 (Agencies): Linük tesem ajaklen digital payment amshitsü atema mapatong renemtsü asoshi Chief Minister trok densema züngsem 13-i akümba committee ka tentetba osang Centre-i sangdongogo.
Iba committee nung tekolakji Andhra Pradesh Chief minister, Chandrababu Naidu asütsü aser kasa committee nungsa industry aser academy nungia züngsem pongu lir.
AP CM, Naidu dak alia committee nung chief minister temji- Odisha Chief Minister, Naveen Patnaik, Madhya Pradesh CM, Shivraj Singh Chouhan, Sikkim CM, Pawan Kumar Chamling, Puducherry CM, V Narayanasamy aser Maharashtra Chief minister, Devendra Fadnavis nunger lir.
Iba luden nung Member Secretary ji NITI Aayog CEO, Amitabh Kant asütsü aser NITI Aayog Vice Chairman, Arvind Panagariya-a züngsem asütsü.
Committee nung industry aser academy nungia züngsem ponguji – taoba UIDAI Chairman aser Infosys co-founder, Nandan Nilekani, Boston Consulting Group Chairman, Janmejaya Sinha, netCORE MD, Rajesh Jain, iSPIRIT co-founder, Sharad Sharma aser IM-Ahmedabad professor, Jayant Varma nunger lir.
“Iba committee nükjidong ya nüburtemi tilatiba jenjang nung aser tilateri business nungi digital payments amshitsü atema ajungkettsütsü asoshi lir,” ta NITI Aayog sangdong ka ajanga metetdaktsü.
Sen notes aser senjang mamshiba linük ka akumtsü atema tang alima nung aliba standards aser mapatongtem asadanga benoktsü asoshi iba committee nem mapa lemzüktsüogo.