Dilip Kumar küm arishi küm 93 jungogo

December 11, 2015: Hokolbarnü Dilip Kumar arishi küm 93 ajungnü Bollywood nung shilem agirtem aser inyakertemi, “Na teti anema aser pela lia onok ajungmesoang ma,” ta lemsatepa liasü.

Lata Mangeshkar, Rishi Kapoor, Javed Akhtar aser Subhash Ghai nungeri Twitter ajanga tepela tasoba anogo salem osang lemsatepa liasü.

Dilip Kumar tenüng chichibabo Yusuf Khan lir. 1950 aser 1960 tsüngda pai Aan, Daag, Madhumati,Paigham, Mughal-E-Azam, Ganga Jamuna, Leader & Ram Aur Shyam aser Devdas film tem nung kanga junga shilem agitetba ajanga pa kanga nüngtugu aküm.

Pa film industry nung küm 60 shi inyakba sülen 1998 küm nungi film nung shilem agiba nungi anisüngzük. Pai shilem agiba film rongnung tesüsabaji ‘Quila’ liasü.

Bollywood züngsemtemi twitter ajanga salem osang lemsatepba kar teküpoklen agütsür:-

Lata Mangeshkar: Tanü ya küdi tambusang asoba anogo lir. Tsüngremi na teti anema aser pela lidakjangma.

Rishi Kapoor: Dilip Kumar Sahab asoba anogo nung pa den tepela lemsateper. Tsüngremi na maneni moajang!

Paresh Rawal: Dilip Saab ajanga tanü asüng jiloshi nung temelenshi bener arutsü. Nü nem akümtsübu agüja na asoba anogo nung salem lemsateper.

Subhash Ghai: India cinema nung kanga nüngtugusüa züngshia alisang Dilip Kumar den tasoba anogo tepela salem lemsateper. Pa actor tajung aser ni pa meteter küm 35 lia arudang pa ya India nunger zü chichiba aketba nisung ka lir ta jangjaogo.

Javed Akhtar: Dilip Saheb den tasoba anogo salem lemsateper. Pa dak keta aliba sempettemji tenem amai lir aser sobalibaji Taj Mahal amai tobur tajung.

Amjad Ali Khan: Actor rongnung tajungtiba ka #DilipKumar arishi küm 93 ajunger. Tsüngremi na anema aser pela lidakjang.

Anil Kapoor: @TheDilipKumar Saab! tasoba anogo tepela salem lemsateper. Kübo den tembar tajung ka asüba aser ni atema tebu ka ama anepaluba atema nü dang pelar.

Abhishek Bachchan: @TheDilipKumar sahib, Tepela tasoba anogo salem lemsateper. Onoki na anema aser pela alitsü atema sarasademtsür.

Shahid Kapoor: @TheDilipKumar den pa asoba anogo tepela salem lemsateper.

Ali Zafar: @TheDilipKumar ya Actor tem asoshi tajungmesor ka lir. Tasoba anogo tepela salem lemsateper.

Adnan Sami: @TheDilipKumar, Yusuf tasoba anogo nung pa den tepela lemsateper. Na tang aser teti ajak dang tajungba lir. Tensa ajak nung ni na kanga meimer aser meimtsü.