Dilip Kumar nem Padma Vibhushan award agütsü

December 13, 2015: Deobar nikongdang Union Home Minister, Rajnath Singh aser Maharashtra Chief Minister, Devendra Fadnavis nati Indian Cinema nung nüngtugu actor, Dilip Kumar’er kidangi oa pa semdanga pa nem Padma Vibhushan award agütsüogo.
Home Minister Rajnath-i twitter nung pai actor tain, Kumar nem akhümket sempet agütsüba noksa ka lemsatepogo.
Taküm Republic Day atongtsü anogo ka lia January 25 nü sorkari Dilip Kumar aser Amitabh Bachchan na densema nisung ishika nem Padma Vibhushan award agütsütsü ta sangdonga liasü.
Ajisüaka taküm April ita Rashtrapati Bhavan nung Tir Pranab Mukherjee-i Padma awards lemtsüba sentong nung Kumar bo medenteti liasü.
Dilip Kumar ya 1922 küm December 11, 1922 nü Peshawar (tangbo Pakistan nung) aso.
Actor tain Kumar-i ‘Mughal-e-Azam’, ‘Naya Daur’, ‘Devdas’, ‘Madhumati’, ‘Ganga Jamuna’, ‘Azad’ aser ‘Leader’ film tem nung shilem agiba ajang Indian Cinema nung nüngtugu akum. Pai 1991 küm Padma Bhushan award aser 1994 küm Dada Saheb Phalke award agizüka liasü.