‘Dilwale’ film ajanga sen crore 335 aazükogo

Mumbai, January 5 (Agencies) : Bollywood superstar Shah Rukh Khan-i shilem agiba ‘Dilwale’ film ajanga takok tulu ngudar, aser talisa iba film ya bendanglen kanga sapua reprangteper.
‘Dilwale’ sayar hopta tasembuba nung iba film ajanga alima ajungalen nungi sen crore 335 tashi aazükogo.
Rohit Shetty-i direct asüba film nung Kajol, Varun Dhawan aser Kriti Sanon nungeria shilem agir aser India nung Rs.141.58 crore aazükogo.
India nung Rs.141.58 crore aser bendanglen Rs.149.80 crore aazükba meyokteper tang tashi nung iba film ajanga Rs.291.38 crore aazükogo, ta sangdong ka nung metetdaktsü.
Bollywood nung nisungtemi kanga dang sapuba aser meimba couple – Shah Rukh aser Kajol na ‘Diwale’ nung külemi shilem agi.
Yaküm December 18 nü Sanjay Leela Bhansali’er ‘Bajirao Mastani’ sayaba anogo nung ‘Dilwale’ film saya.
‘Dilwale’ film ajanga Gulf nung $7.5 million aazükogo aser ibaji sen timba aazükba Bollywood film rongnung tanabuba lir. Ano, Malaysia nunga ‘Dilwale’ ajanga $1 million aazükogo aser ibaji sen timtiba aazükba Bollywood film asütsü.
US nunga ‘Dilwale’ ajanga $4.8 million aser Britain nung 2.17 million pounds aazüka lir.