Dimapur Airport den yimti tasen 3 sendakteptsü

Dimapur, February 27 (Agencies): Ude Desh Ka Aam Naagrik (UDAN) scheme kübok Nagaland nung aliba Dimapur Airport-i yimti tasen asem Dibrugarh, Guwahati aser Imphal den sendakteptsü.
Item tayimtsü lenmang tasentem nung senzütsü atema Union Civil Aviation Ministry-i InterGlobe aser Alliance Air nem lemzüktsüogo.
Dimapur-Dibrugarh atema airline operator ji InterGlobe asütsü aser Dimapur-Imphal o Dimapur-Guwahati atema Alliance Air nem lemzüktsü.
April 1, 2019 nungi tayimtsütem senzütsü ta Union Civil Aviation Ministry-i sangdong ka nung ashi.
Ministry of Tourism-i ashiba ama Civil Aviation Ministry-i tayimtsü lenmang ana mulunga agizük.
UDAN scheme kübok Civil Aviation Ministry-i Union Ministry of Tourism den yaritepa northeast kübok tourism tesemtem sendakteptsü atema tayimtsü lenmangtem shimtet.
UDAN scheme ya Prime Minister Narendra Modi’er National Civil Aviation Policy (NCAP) nung tongtipang shilem ka lir. Iba scheme yagi India nung tayimtsü nung sen dalang agi senzütsü aser aviation sector renlokdaktsütsü meranger.