Dimapur airport nung sen apu

Dimapur, November 25 (TYO) : Mongulbarnü Dimapur Airport nung Central Industrial Security Force (CISF) ketdangsertemi nisung ka ket nung sen crore 3.5 bena lia apuba sülen, Hokolbar anüngdang 12:50 ako meta, CISF-isa ano nisung ka ket nung sen lakh 3 (sen 1000 note) bena lia apu.
Nisung kati sen aika bener Dimapur-i arudar ta osang tejangja angazükba sülen Dimapur airport nung ketdangsertemi Kolkata nungi Air India flight nung aruba nisung ka apu. Iba nisungji Ajay Singh ta jangjaogo aser pa Diphupar PS nung yua lir, ta iba osang zülu tashi nung angazüker.
Mongulbarnü Bihar nungi shishilembar Amarjit Singh ta ser nisung ka Haryana kübok Hisar nungi tayimtsü ka nung Dimapur-i aru aser iba mapang CISF ketdangsertemi pa ket nung sen crore 3.5 bena aliba apu.