Dimapur Airport nung tarur ajak tendangtsü

Dimapur, April 9 (TYO): April 6, 2021 nü High Powered Committee (HPC) on COVID-19-i Dimapur Airport nung tangalen nungi arur shia dak thermal screening asütsü telemtetba agiogo.
India kübok state aika nung COVID-19 kanga menatepa aoba ajanga HPC-i iba telemtetba agiogo.
Dimapur Airport nung District Task Forec (DTF)-i lemzüktsüba teloktemi nisung ka Nagaland-i arutsü alia anogo asem tejaklen COVID-19 tendangdang negative putetba report mesüra COVID-19 vaccine agiba osangtem metetpelatsü.
Parnokisa passenger tem nCOVIDNagaland Visitors App nung tenüng züluokba aser ‘Self Declaration Form’ agütsüba jangjateptsü.
April 5, 2021 nungi linük nung COVID-19 kanga putetba state 11- Maharashtra, Chhattisgarh, Karnataka, Kerala, Punjab, Tamil Nadu, Uttar Pradesh, Madhya Pradesh, Gujarat, Rajasthan aser Delhi nungi arurtem dak temolung talila agütsütsü.