Dimapur Anti Tobacco Squad-i Diphupar aser Chumu tsüngda mita ao

Dimapur, Mar 23 (TYO): Dimapur District Anti Tobacco Squad lennir, Tsenpamo Kikon ACP traffic-i anir May 23, 2017 nü Diphupar aser Chumukedima tsüngda dokantem mita ao.
Ib mapang school anasa aliba dokan 20 nung moko ayokba atema pua merenshiogo.
Iba dak sendakba nung Dr C Tetseo District Nodal Officer NTCP-i ashiba agi, COTPA kübok shisaliok rejutem anasa metre 100 telongtet nung moko dak sendakba tachitsütem mayoktsü ozüng lateta lir.
Moko ayokertemi iba ozüng jungjunga metettsüla aser tang nungi tanur dang moko ayokba putetra, sen lakh 1 senchi achitsü mesüra Juvenile justice and Protection Acts 2015 kübok küm ka tepuokdak ayutsü, ta Dr C Tetseo-isa metetdaktsü.
September 27, 2016 nü Supreme Court-i obendang agütsüba nung, ‘twin pack pan masalas’ aser ‘flavoured chewable tobacco’ ayoktsü memelar aser item shishilembartem ozüng kübok merenshitsü, ta paisa shisem.