Dimapur Ao Baptist Arogo nung Father School

Dimapur Ao Baptist Arogoi anepalua tebutem asoshi ‘Father School’ sentong ka hopta piyong agia arur sülen Deobar temoatsü sentep nung ‘graduation’ kuli kaket agizüker külen parnoki school naklo ken atenba noksa nung angur. Iba Father school nung adener ajak agi nisung 66 liasü. Dimapur nung 2014 küm South Korea nungi arua iba Father School tenzüktsü aser iba sülen Dimapur nung tan agi telok asembuba graduate asür asütsü.  Nagaland nung iba Father School ya Kohima Ao Baptist Arogo nung tama tenzük aser parnokibo joko Ao Arogotem aika nung iba school ya agia odagi. Iba school nung adenba ajanga tebutem taküm yimya tajungba küma melenshia tebu tajung ka akümer. Dimapur, August 02, 2015.