Dimapur Ao lanur lokti senden alitsü

Dimapur, Oct.12 (TYO) : Dimapur Ao Lanur Telongjem 2 buba lokti senden tan October ita 22, 2015 nü anepdang 10:00 ako nungi IMC Hall nung alitsü asoshi sentong renema lir.
Iba senden sentong nung Nagaland Urban Development nung Advisor & MLA Wb.S.Imtisungit Jamir tongti tesemdanger asütsü aser Nagaland University nung Pro-Vice Chancellor, Prof.A.Lanunungsangi tongti o jembitsü.
Iba senden nungsa Ao Senso Telongjem, Dimapur tir Wb.Supu Jamir aser Dimapur Watsü Telongjem tir Wt. Alila Wai nati tepela tajungshi o jembitsü.
Dimapur aser temeket nung aliba Ao lanur ajak pei kin sübotsü sübor iba lokti senden nung arua adentsüla ta ketdangpurtemi metetdaktsüogo.