Dimapur Ao Lanur Telongjemi pelaba metetdaktsü

Dimapur, July 25 (TYO) : Honibar nü Dimapur Ao Lanur Telongjemi (DALT)-i ayongzükba ‘Oshioben aser Zülumen Jangjashiyim’ sentong takok ngua katettsüsa teyaritepertem aser tenla agütsürtem ajak dang kanga pelar ta DALT sangdong ka ajanga metetdaktsüogo.
Kija kibong dak alaka Ao Senden Literature Board nung mendenbubai anir ketdangpurtem, onük jembirtem, Ao Senso Telongjem Dimapur, Watsü Telongjem, Dimapur, Ao Kaketshir Telongjem Dimapur aser yimtsüng kaketshir telongjemtem nungi aruba lenirtem, Dimapur Ao Baptist Arogo, Christian Education Ministry DABA, Youth Ministry DABA, DALT unit balala nungi, Dimapur temeket arogotem aser sentong nung kentener aser shilem agirtem ajak dang iba sentong takok ngua katetba asoshi parnok ajak dang kanga dang pelar ta DALT menden purtemi metetdaktsüogo.