Dimapur BS&GA-i ketdangpur tasen aniok

Dimapur, Chiteni/July 22, 2022 (TYO): Brehostibarnü (21.07.2022) DC’s Conference Hall, Dimapur nung  Bharat Scouts & Guides’ Association Dimapur indang President ama Deputy Commissioner Dimapur Sachin Jaiswal, IAS aser District Secretary ama Sr. SDEO Dimapur, Apokla Longkumer na anioka liasü, ta sangdong ka ajanga metetdaktsü.

Iba sentong nung DC, Sachin-i, BS&GA nung adenba ya tang mezüng masü kechiyong kaketshir aliba mapang Bharat Scouts & Guides aser NCC nung shilem agia liasü, ta ashi.

BS&GA Dimapur nung anioka atema pelar aser khonang ama bilemer ta lemsatepba den külemi BS&GA den longjemer amalitepa inyaktsü ta pai nangzük.

Maneni, iba sentong nung District Organising Commissioner (Scouts) Agay Joseph aser District Organizing Commissioner (Guides) Kevileno Haikum nati flag ceremony aser tenangzüktep (Oath-taking) ketdangsüa agi. Iba sentong tembanga Scouts & Guides ‘Tap song’ sayu, ta kasa sangdong ajanga ashi.