Dimapur Civil Hospital nung tasümang ka lir

Dimapur, April 26 (TYO) : Dimapur civil hospital nung arishi küm 40 tain Bashir Hussain indang mang yua lir. Pa ya asür Sadikul Hussain’er jabaso aser pa mozüki nung anepalua arur asü.
April 27, 2016 anepdang tashi nung nisung shingaia asür Bashir Hussain indang mang tabeni marura, Sangthamtilla Muslim Burial Ground nung pa mang aremtsü, ta Muslim Council Dimapur-i sangdong ka nung metetdaktsü.
Iba dak sendakba nung A. Jalil Tapadar (9402700200) Jt. Secy MCD den tongteprateptsü akok.
April 24, 2016 nungi Help International Nagaland ajanga Dimapur Civil Hospital nung  Bashir Hussain anepaluyonga aruba atema kanga pelar, ta A. Rahman, working President, MCD-ia sangdong nung shia lir.