Dimapur college alumni purtemi Kuholi nüng asanger

Dimapur, Sept.12 (TYO) : Dimapur Government College nung Principal watsü Kuholi Chishi-i college tajungba kümdakja inyakba mapa reprangteta taküm 2015 küm Independence Day nung “Governor’s Gold Medal’ sempet anguba asoshi kanga pelar aser la nem tenüngsang tulu agütsür ta Dimapur Govt. College Alumni Association-i sangdong ka nung metetdaktsüogo.
Taoba küm ana tsüngda lai college asoshi bendanga agüja inyakba agi college junga akümba onoki reprangtetogo aser la iba sempet angutsü tetemsü ta Dimapur Govt. College Alumni Association tenüng nung tir Wb.A.Yanger Jamiri metetdaktsü.
Ano maneni lanurtem asoshi mapa tuluba inyaka otettsüsa la nem Tsüngremi taküm tajung aser shisatsü moajang ta parnokisa metetdaktsü.