Dimapur DC aser DEO-i osangbenertem den senden amen

Dimapur, Aenjeti 20 (TYO): Aenjeti 20, 2018 nü Deputy Commissioner aser District Election officer Dimapur, Sushil Kumar Patel (IAS)-i DC Dimapur conference hall nung Dimapur nung osangbenertem, Cable TV kiburtem aser printing press balala nungi kiburtem ayongzüka senden ka menogo, ta ketdangsertem osang ka ajanga metetdaktsü.
Iba senden nung Dimapur DC den Dimapur AEO nati osangbenertem, TV cable operators aser printing press kiburtem dang advertisement, paid news, political osang telecast asüba aser pamplets printing dak sendakba nung ozüngtem aser Model Code of Conduct indang metetdaktsü.
Iba senden nung adenertemi DC aser DEO Dimapur, Sushil Kumar Patel aser Assistant Election officer Dimapur, Rolland Merry na dang merajemba tasüngdangba aika asüngdanga liasü, ta kasa osang ajanga metetdaktsü.