Dimapur DC & DEO-i sangdonger

Dimapur, Monupii/May 17 (TYO): Dimapur DC & DEO, Sushil Kumar Patel, IAS-i sangdong ka ajanga Nagaland Parliamentary Constituency 2018 asoshi by election duty lemzükja alir Polling personnel ajak dang training tanabuba shilem nung adentsü atema metetdaktsüogo.
Training tanabuba shilemji Monupii/May 19, 2018 nü Dimapur Government College, Dimapur nung agitsü.
Pai ashiba agi, training ji anepdang 10:00 ako nungi nikongdang 1:00 ako tashi Presiding Officers aser 1st polling officers atma agitsü aser nikongdang 2:00 ako nungi 4:00 ako tashi grade IV staff densema Polling personnel atema agitsü.
Iba training nung madenertem nem Representation of the People’s Act 1950 aser Conduct of Election Rules 1961 nung aliba ozüngtem nung ajemdaker temerenshi agütsütsü, ta kasa sangdong ajanga metetdaktsü.