Dimapur DC-i 4 lane road ali magitsü metetdaktsür

Dimapur, Chiteni (July) 3 (TYO): Chumukedima nungi Medziphema tsüngda 4 lane road yanglutsü mekazüka ayuba ali kar kija aser village council tem tsüngda lema agir ta osang angazükogo, ta Dimapur Deputy Commissioner, Sushil Kumar Patel, IAS-i Chiteni (July) 3, 2018 nü metetdaktsü.
Iba aliji sorkar meyong lir aser public atema mekazüka ayuba lir saka tang iba ali lema agiba ajanga 4 lane road yangluba nung tetsükdaktsü ajurutsü akok. Anungji, public-i iba tesem nung ali mayoktsü mesüra malitsü metetdaktsür, ta Dimapur DC-i sangdong ka nung ashi.
Iba tetuyuba anema inyakertem Nagaland Eviction of persons in Unauthorized Occupation of Public Land (Amendment) Act 1978 nung lateta aliba ama ozüng agi merenshitsü, ta paisa shisem.